A directiva da Anpa quere agradecer a tódalas familias que de xeito desinteresado doaron os xoguetes para poñer en marcha esta iniciativa. Foi unha auténtica sorpresa a vosa xenerosidade!
No mercadillo houbo bastante afluencia de nenos/as, que desde 1 € levaron xoguetes estupendos, moitos case novos, facendo un exercicio de reciclaxe e mesmo de consumo responsable.
O diñeiro recadado coas vosas aportacións foi de 157 €. Adicaranse a programar máis actividades no colexio, mesmo como os obradoiros que tiveron lugar o venres de Adornos de Nadal, nos que participaron 30 nenos/as.
Temos que agradecer moi especialmente ás nais que se ofreceron para impartir desinteresadamente estas actividades: a Elena, Nani e Ana. Mil grazas, fixéchedes moi bo traballo!!
Parte dos xoguetes foron entregados directamente ao centro, en particular para o comedor e para as aulas de Infantil.
Os xoguetes que non se venderon serán donados a Dignidad e Cáritas.
Esperamos que se poida repetir un Mercadillo de xoguetes o ano que ven, e mellorar no que se poida. Grazas ás nais e pais voluntarios que nos axudáchedes a organizar todo. Cada día somos máis!
ANPA CEIP ESTEIRO 